ການຮ່ວມມື ລະຫວ່າງ ແຂວງບິ່ງດິ້ງ ແລະ ບັນດາແຂວງພາກໃຕ້ຂອງລາວ: ມີຫຼາຍກິດຈະກຳຕົວຈິງໃນປີ 2020

ໂດຍສະເພາະ, ໃນຂົງເຂດກະສິກຳ: ຊ່ວຍເຫຼືອໂຄງການສ້າງສວນສາທິດຜະລິພັນສາລີໃນເນື້ອທີ່ 5 ເຮັກຕາ, ໂຄງການສ້າງໜອງລ້ຽງປາ (ສຳລັບແຂວງສາລະວັນ); ຊ່ວຍເຫຼືອແນວພັນເຂົ້າ, ອຸປະກອນ, ເຄື່ອງຮັບໃຊ້, ເຄື່ອງປະສົມນ້ຳເຊື້ອງົວ, ຝຶກອົບຮົມດ້ານເຕັກນິກວິທີການປູກຜັກສະອາດ (ສຳລັບແຂວງເຊກອງ); ຊ່ວຍເຫຼືອແລກປ່ຽນທອດຖອນບົດຮຽນປະສົບການ, ການຝຶກອົບຮົມໄລຍະສັ້ນ ແລະ ແນະນຳທິດສະດິີ ແລະ ພາກປະຕິບັດຕົວຈິງກ່ຽວກັບການລ້ຽງສັດ, ປ້ອງກັນພະຍາດສັດປີກ, ສັດລ້ຽງ ແລະ ການປະມົງ (ສຳລັບແຂວງຈຳປາສັກ) ...

      ໃນຂົງເຂດສາທາລະນະສຸກ, ພະແນກສາທາລະນະສຸກຈະຊ່ວຍເຫຼືອເຄື່ອງເອໂກກະເພາະ ອາຫານຈຳນວນໜຶ່ງເຄື່ອງໃຫ້ແກ່ໂຮງໝໍແຂວງເຊກອງ (ຫຼັງຈາກແຂວງເຊກອງໄດ້ຝຶກອົບຮົມດ້ານ ເຕັກນິກໃຫ້ທ່ານໝໍ ແລະ ໄດ້ຮັບການອະນຸມັດຈາກຄະນະກຳມະການປະຊາຊົນແຂວງ). ໃນຂົງເຂດ ການສຶກສາ, ແຂວງບິ່ງດິ້ງ ມອບທືນການສຶກສາໃຫ້ແກ່ນັກສຶກສາບັນດາແຂວງພາກໃຕ້ຂອງລາວ ທີ່ມາຮຽນລະດັບປະລິນຍາຕີ 18 ຄົນ ແລະ ລະດັບປະລິນຍາໂທ 2 ຄົນ ຢູ່ມະຫາວິທະຍາໄລກຸຍເຍີນ.

      ໃນຂົງເຂດຖະແຫລງຂ່າວ ແລະ ການສື່ສານ, ຈະພິມຈຳໜ່າຍບັນດາຜະລິດຕະພັນ ທີ່ໂຄສະນາເຜີຍແຜ່ກ່ຽວກັບຄວາມສາມາດບົ່ມຊ້ອນ, ທ່າແຂງ ແລະ ຮູບພາບ ຂອງແຂວງບິ່ງດິ້ງ ແລະ ບັນດາແຂວງພາກໃຕ້ຂອງລາວ.

      ນອກຈາກນັ້ນ, ຍັງມີກິດຈະກຳ ແລກປ່ຽນຄະນະຜູ້ແທນລະຫວ່າງສອງຝ່າຍ ເພື່ອແລກປ່ຽນ ບົດຮຽນປະສົບການ;ຊອກຮູ້,  ເປີດກວ້າງການຮ່ວມມືລົງທຶນໃນບັນດາຂົງເຂດຄື: ແຜນການ ແລະ ການລົງທືນ, ອຸດສາຫະກຳ ແລະ ການຄ້າ, ການທ່ອງທ່ຽວ, ຍຸຕິທຳ, ການຕ່າງປະເທດ ...