ກອງປະຊຸມໃຫຍ່ຜູ້ແທນຄັ້ງທີ 3, ສະໄໝ 2020 – 2025 ຂອງສະມາຄົມມິດຕະພາບຫວຽດນາມ - ລາວແຂວງບິ່ງດິ້ງ

ໃນສະໄໝຜ່ານມາ, ສະມາຄົມມິດຕະພາບຫວຽດນາມ - ລາວໄດ້ຈັດຕັ້ງ ແລະ ຜັນຂະຫຍາຍ ປະຕິບັດມະຕິກອງປະຊຸມໃຫຍ່ຄັ້ງທີ 2 ໄດ້ຮັບໝາກຜົນຢ່າງຕັ້ງໜ້າ, ປະກອບສ່ວນຊຸກຍູ້ວຽກງານ ການຕ່າງປະເທດປະຊາຊົນຂອງແຂວງໃນສະພາບການໃໝ່. ສະມາຄົມໄດ້ຈັດຕັ້ງ, ສະເໜີ, ເສນາທິການ, ປະສານສົມທົບຈັດຕັ້ງການເຄື່ອນໄຫວຕ່າງໆດ້ວຍຫຼາຍຮູບແບບຢ່າງມີປະສິດທິຜົນ ແລະ ແທດເໝາະ ຕົວຈິງ, ປະກອບສ່ວນຢ່າງຕັ້ງໜ້າເຂົ້າໃນການປົກປັກຮັກສາ ແລະ ພັດທະນາ ສາຍພົວພັນມິດຕະພາບ, ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງປະຊາຊົນສອງຊາດຫວຽດນາມ ແລະ ລາວ, ລະຫວ່າງແຂວງບິ່ງດິ້ງ ກັບ ບັນດາແຂວງພາກໃຕ້ຂອງລາວ. ສະມາຄົມໄດ້ປະສານສົມທົບ ກັບບັນດາພະແນກການ, ສະຫະພັນ, ອົງການຈັດຕັ້ງມະຫາຊົນ, ມະຫາວິທະຍາໄລກຸຍເຍີນ ແລະ ໂຮງຮຽນຕ່າງໆທີ່ມີນັກສຶກສາລາວ ຈັດຕັ້ງການແລກປ່ຽນວັດທະນະທຳ - ກິລາ, ການພົບປະມິດຕະພາບ ແລະ ການພົບປະເພື່ອສະເຫຼີມສະຫຼອງວັນຊາດ, ບຸນປີໃໝ່ລາວທຸກໆປີ. ສະມາຄົມໄດ້ສຸມໃສ່ວຽກງານ ໂຄສະນາເຜີຍແຜ່ ເພື່ອຍົກສູງຄວາມຮຸ້ໃຫ້ແກ່ ພະນັກງານ ແລະ ປະຊາຊົນພາຍໃນແຂວງ ກ່ຽວກັບສາຍພົວພັນອັນສະໜິດແໜ້ນ ລະຫວ່າງສອງປະເທດຫວຽດນາມ ແລະ ລາວ; ປະສານສົມທົບກັບ ບັນດາອົງການສຳນັກຂ່າວ ເພື່ອໂຄສະນາເຜີຍແຜ່ ຂ່າວ, ບົດ ແລະ ຮູບພາບ ຫຼາຍຢ່າງກ່ຽວກັບ ບັນດາເຫດການມິດຕະພາບຫວຽດນາມ - ລາວ.

ເຖິງຢ່າງໃດກໍ່ຕາມ, ກິດຈະກຳຕ່າງໆ ຂອງສະມາຄົມຍັງບໍ່ທັນນມີຄວາມອຸດົມສົມບູນ ແລະ ມີຄວາມຫຼາກຫຼາຍ ຍ້ອນຄວາມຈຳກັດດ້ານງົບປະມານ, ການນຳ ແລະ ສະມາຊິກຄະນະບໍລິຫານງານ ຂອງສະມາຄົມລ້ວນແຕ່ເຮັດວຽກເປັນສ່ວນໜຶ່ງ, ສະນັ້ນບໍ່ມີເງື່ຶອນໄຂສົ່ງເສີມກິດຈະກຳຂອງສະມາຄົມໄດ້. ໃນສະໄໝຕໍ່ໄປ, ສະມາຄົມຈະສືບຕໍ່ໂຄສະນາເຜີຍແຜ່, ປຸກລະດົມຂົນຂວາຍສະມາຊິກ ແລະ ປະຊາຊົນເຂົ້າຮ່ວມໃນກິດຈະກຳມິດຕະພາບໃນຫຼາຍຂົງເຂດ, ປະສານສົມທົບກັບ ບັນດາໂຮງຮຽນ ເພື່ອຍົກສູງຄຸນະພາບການສຶກສາໃຫ້ແກ່ນັກສຶກສາລາວ, ສືບຕໍ່ຈັດຕັ້ງບັນດາການເຄື່ອນໄຫວແລກປ່ຽນ ວັດທະນະທຳ - ກິລາ, ຈັດຕັ້ງກອງປະຊຸມ, ສຳມະນາກ່ຽວກັບການຮ່ວມມືລົງທຶນ ເພື່ອພັດທະນາເສດຖະກິດ ຫວຽດນາມ - ລາວ, ລະດົມບັນດານັກທຸລະກິດໄປຊອກຮູ້ຕະຫຼາດ, ຮ່ວມມືລົງທຶນກັບບັນດາແຂວງພາກໃຕ້ຂອງລາວ ...

      ກອງປະຊຸມໃຫຍ່ຜູ້ແທນຄັ້ງທີ 3 ໄດ້ເລືອກຕັ້ງເອົາຄະນະບໍລິຫານງານຊຸດໃໝ່ ຈຳນວນ 15 ທ່ານ. ທ່ານນາງຫງວຽນທິຟອງຫວູ, ຄະນະປະຈຳພັກແຂວງ, ຫົວໜ້າຄະນະຂົນຂວາຍປະຊາຊົນແຂວງ, ປະທານຄະນະກຳມະການແນວໂຮມປະເທດຊາດຫວຽດນາມໄດ້ຮັບການເລືອກຕັ້ງເປັນຕຳແໜ່ງ ປະທານ ສະມາຄົມມິດຕະພາບຫວຽດນາມ - ລາວແຂວງບິ່ງດິ້ງ ສະໄໝ 2020 – 2025.