ກອງບັນຊາການທະຫານແຂວງບິ່ງດິ້ງ ສສ ຫວຽດນາມ ມອບອຸປະກອນການແພດ ເພື່ອຮັບໄຊ້ວຽກງານ ປ້ອງກັນ ແລະຄວບຄຸມການລະບາດ ພະຍາດໂຄວິດ-19 ໃຫ້ແຂວງຈໍາປາສັກ

ກອງບັນຊາການທະຫານແຂວງບິ່ງດິ້ງໄດ້ມອບອຸປະກອນການແພດລວມມູນຄ່າປະມານ 380 ລ້ານດົ່ງ, ປະກອບມີ: ບາຫຼອດອິນຟາເລດ; ຊຸດປ້ອງກັນການຕິດເຊື້ອທາງການແພດ; ໜ້າກາກ N95, ໜ້າກາກອະນາໄມ; ຖົງມືການແພດ; ເຈວລ້າງມື, Cloramin B, ເຄື່ອງພົ່ນຢາຂ້າພະຍາດ.

ການນຳກອງບັນຊາການທະຫານແຂວງບິ່ງດິ້ງໄດ້ກ່າວວ່າ: ຕໍ່ໜ້າສະພາບການທີ່ພະຍາດໂຄວິດ-19ລະບາດຢ່າງຮຸ້ນແຮງ, ໂດຍປະຕິບັດຄຳຊີ້ນຳຂອງທະຫານເຂດ 5 ແລະໄດ້ຮັບການເຫັນດີຂອງຄະນະພັກແຂວງ, ຄະນະກຳມະການປະຊາຊົນແຂວງ, ກອງບັນຊາການທະຫານແຂວງໄດ້ຈັດພິທີມອບ-ຮັບ ອຸປະກອນການແພດໃຫ້ແຂວງຈຳປາສັກ (ສປປລາວ). ເຖິງວ່າເຄື່ອງຊ່ວຍເຫຼືອອາດຈະບໍ່ສົມທຽບໃສ່ຄວາມຕ້ອງການຂອງ ແຂວງເພື່ອນໃນປະຈຸບັນ, ແຕ່ວ່ານີ້ແມ່ນຄວາມຊ່ວຍເຫຼືອຕາມຄວາມສາມາດຂອງທະຫານຫວຽດນາມ ໃນສະພາບການທີ່ທົ່ວປະເທດກໍຄື ແຂວງມີຄວາມຕ້ອງການຫລາຍດ້ານອຸປະກອນການແພດເພື່ອປ້ອງກັນ ແລະຄວບຄຸມການລະບາດພະຍາດ.ຫວັງວ່າການຊ່ວຍເຫຼືອດັ່ງກ່າວຈະປະກອບສ່ວນຊ່ວຍປະຊາຊົນແຂວງຈຳປາສັກ ເອົາຊະນະການລະບາດຂອງ ພະຍາດໂຄວິດ-19. ນີ້ກໍສະແດງໃຫ້ເຫັນມູນເຊື້ອອັນດີງາມ ກ່ຽວກັບ ການຊ່ວຍເຫຼືອເຊິ່ງກັນແລະກັນແລະຄວາມສາມັກຄີກັນໃນໄລຍະເວລາທີ່ຫຍຸ້ງຍາກ ລະຫວ່າງສອງປະເທດ.