ເລຂາພັກແຂວງໆບິ່ງດິ້ງ ຫງວຽນທັນຕຸ່ງ ໄປຢ້ຽມຢາມ ແລະ ເຂົ້າຮ່ວມພິທີ ມອບ-ຮັບ ໂຄງການກໍ່ສ້າງອາຄານຮຽນທີ່ແຂວງຈຳປາສັກ, ສປປ ລາວ ດ້ວຍທຶນຊ່ວຍເຫຼືອລ້າຈາກແຂວງບິ່ງດິ້ງສສ ຫວຽດນາມ

ໃນຕອນເຊົ້າວັນທີ 16 ກັນຍາ 2019, ພິທີມອບ-ຮັບໂຄງການກໍ່ສ້າງອາຄານຮຽນໄດ້ຈັດຂື້ນທີ່ໂຮງຮຽນມັດທະຍົມສົມບູນອີ່ຕູ້. ທີ່ພິທີ, ບັນດາສະຫາຍຜູ້ແທນ ໄດ້ດຳເນີນພິທີມອບ-ຮັບ ໂຄງການກໍ່ສ້າງອາຄານຮຽນ. ນີ້ແມ່ນໂຄງການຊ່ວຍເຫຼືອລ້າຈາກແຂວງບິ່ງດິ້ງດ້ວຍຍອດມູນຄ່າການກໍ່ສ້າງທັງໝົດ 10 ຕື້ດົ່ງ. ໂຄງການດັ່ງກ່າວ ເປັນຫ້ອງຮຽນໃໝ່ 2 ຊັ້ນ, ມີ 10 ຫ້ອງຮຽນ.  ໂຄງການໄດ້ເລີ່ມລົງມືກໍ່ສ້າງແຕ່ວັນທີ 12/12/2018, ພາຍຫຼັງການຢ້ຽມຢາມຂອງ ສະຫາຍຫງວຽນທັນຕຸ່ງ ທີ່ແຂວງຈຳປາໃນປີ 2017.  ເມື່ອເຂົ້າມາຢ້ຽມຢາມໂຮງຮຽນ, ເຫັນວ່າພື້ນຖານໂຄງລ່າງການສຶກສາຂອງ ໂຮງຮຽນຍັງມີຄວາມຫຍຸ້ງຍາກ,ສະຫາຍຫງວຽນທັນຕຸ່ງຕົກລົງຈະຊ່ວຍເຫຼືອກໍ່ສ້າງອາຄານຮຽນດັ່ງກ່າວ.

     ກ່າວທີ່ພິທີ, ສະຫາຍຫງວຽນທັນຕຸ່ງຢັ້ງຢືນວ່າໂຄງການກໍ່ສ້າງອາຄານຮຽນທີ່ ໂຮງຮຽນມັດທະຍົມສົມບູນອີ່ຕູ້ ເປັນໂຄງການມິດຕະພາບເຊິ່ງສະແດງຢ່າງມີຊີວິດຊີວາເຖິງ ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ລະຫວ່າງ ສອງພັກ,  ສອງລັດ ແລະ ປະຊາຊົນສອງຊາດຫວຽດນາມ - ລາວເວົ້າລວມ, ເວົ້າສະເພາະລະຫວ່າງ ສອງແຂວງແຮກສ່ຽວ ບິ່ງດິ້ງ - ຈຳປາສັກ.

     ໃນໂອກາດການຢ້ຽມຢາມຄັ້ງນີ້, ສະຫາຍຫງວຽນທັນຕຸ່ງ ພ້ອມຄະນະໄດ້ໄປ ຢ້ຽມຢາມເພື່ອສະແດງຄວາມເສຍໃຈ, ຄວາມເຫັນໃຈ, ແບ່ງເບົາຄວາມທຸດໂສກມາຍັງ ການນຳ ແລະ ປະຊາຊົນບັນດາແຂວງພາກໃຕ້ຂອງລາວ, ໂດຍສະເພາະແມ່ນ ບັນດາທ້ອງຖິ່ນ ແລະ ຄອບຄົວທີ່ຖືກຜົນກະທົບຈາກໄພນ້ຳຖ້ວມທີ່ເກີດຂຶ້ນໃນໄລຍະເວລາ ແຕ່ທ້າຍ ເດືອນສິງຫາຫາຕົ້ນເດືອນກັນຍາ, ເຊິ່ງໄດ້ສ້າງຜົນເສຍຫາຍອັນໜັກໜ່ວງຕໍ່ ພື້ນຖານໂຄງລ່າງ, ເຮືອນຊານ, ເນື້ອທີ່ການຜະລິດ ແລະ ຊີວິດການເປັນຢູ່ຂອງ ປະຊາຊົນ 4 ແຂວງພາກໃຕ້ລາວ, ພ້ອມກັນນັ້ນກໍ ມອບເງິນຊ່ວຍເຫຼືອແກ່ບັນດາແຂວງພາກໃຕ້ລາວ, ໃນນັ້ນຊ່ວຍເຫຼືອແຂວງເຊກອງແລະ ຈຳປາສັກແຂວງລະ300ລ້ານດົ່ງ, ແຂວງສາລະວັນແລະແຂວງອັດຕະປື ແຂວງລະ200ລ້ານດົ່ງ.

     ການນຳບັນດາແຂວງພາກໃຕ້ລາວ ກໍ່ໄດ້ສະແດງຄວາມຂອບອົກຂອບໃຈເປັນ ພິເສດເຖິງການເອົາໃຈໃສ່ ແລະ ການຊ່ວຍເຫຼືອຢ່າງທັນການຂອງແຂວງບິ່ງດິ້ງ ເມື່ອບັນດາແຂວງພາກໃຕ້ລາວປະສົບກັບໄພພິບັດທຳມະຊາດ.